Төсвийн мэдээллийн хүртээмжийг сайжруулах замаар иргэдийн оролцоог нэмэгдүүлэх нь сургалтыг 2023 оны 12 сарын 06-ны өдөр Мөрөн сумын ИТХ-ын хурлын санаачилгаар хамтран зохион байгууллаа. Тус сургалтад Мөрөн сумын сургууль цэцэрлэг, өрхийн эмнэлгийн төлөөллүүд болох нийт 30-н хүн хамрагдлаа. Ерөнхий зохион байгуулалтыг Хайр Найдвар Гэрэл ТББ хамтран гүйцэтгэв.
Тус сургалтад урилгаар Глоб Интернешнэл төвийн гүйцэтгэх захирал Ч.Энхбаяр оролцож төсвийн тухай ерөнхий ойлголт, нийгмийн эгэх хариуцлагыг бэхжүүлэх, иргэдийн мэдэх эрхийн тухай хуваалцлаа. Түүнчлэн Нийтийн мэдээллийн ил тод байдлын тухай хуулийн ерөнхий ойлголт өгч тухайн хуулийн хүрээнд хамаарах санхүүгийн ил тод байдлаа хэрхэн хангаж ажиллах талаар мөн иргэд олон нийтийн оролцоотой ил тод байдлаа үнэлэх боломжийн тухай хуваалцлаа.
Мөн оролцогчдын сонирхсон асуултад хариулж “Иргэдийн төсөв” ашиглан төсвөө хэрхэн ойлгомжтой хүртээмжтэйгээр тайлагнаж болохыг танилцуулсан уулзалт болов. Тус хуулийг дагалдан гарсан холбогдох журмуудын талаар ойлголтыг өгч мэдээллийн хүртээмжтэй байдал, мэдээлэл цаг хугацаандаа нийтлэгдсэн байдал, бүрэн бүтэн байдал, эх сурвалжийн тодорхой байдлууд зэргийг хэрхэн хангаж ажиллах талаар зөвлөгөө мэдээлэл өгсөн үр дүнтэй сургалт болж өндөрлөлөө.
